«Alatau City Invest» АҚ мобильді қосымшасының құпиялылық саясаты

«Alatau City Invest» АҚ мобильді қосымшасының Құпиялылық саясаты (әрі қарай – Құпиялылық саясаты) «Alatau City Invest» АҚ (әрі қарай – Alatau City Invest) клиенттері мобильді қосымша Alatau City Invest-ті (әрі қарай – МҚ) пайдаланған кезде ұсынатын ақпарат пен деректерге қатысты қолданылады және таратылады. Осы Құпиялылық саясаты МҚ пайдаланушысы (әрі қарай – пайдаланушы) МҚ-ны пайдалану барысында қосымша арқылы алуға болатын барлық ақпаратқа қатысты қолданылады. МҚ-ны пайдалану пайдаланушының осы Құпиялылық саясатына және онда көрсетілген оның дербес деректерін өңдеу шарттарына ешқандай шартсыз келісетіндігін білдіреді.

1. МҚ жинайтын және өңдейтін пайдаланушылардың дербес деректері, соның ішінде биометриялық деректер

1.1. Осы Құпиялылық саясаты шеңберінде «пайдаланушының дербес деректері» деп мыналар түсініледі:

1.1.1. Пайдаланушының қосымшада формаларды толтыру, тіркелу және функционалдық мүмкіндіктерді пайдалану барысында өз бетімен ұсынатын жеке деректері. Өзге ақпарат пайдаланушының өз қалауы бойынша ұсынылады.

1.1.2. Биометриялық деректер – жеке деректер субъектісінің тұлғасын анықтауға мүмкіндік беретін физиологиялық және биологиялық ерекшеліктері.

1.1.3. Пайдаланушы құрылғысына орнатылған бағдарламалық қамтамасыз ету арқылы пайдалану барысында автоматты түрде берілетін деректер, соның ішінде IP-мекенжай, cookie файлдарынан алынған ақпарат, пайдаланушының браузері (немесе сервистерге кіруді жүзеге асыратын басқа бағдарлама) туралы ақпарат, кіру уақыты, сұралған беттің мекенжайы, құрылғының техникалық деректері.

2. Құпиялылық саясаты тек осы МҚ-ға қатысты қолданылады. МҚ үшінші тұлғалардың веб-сайттары мен мобильді қосымшаларына, соның ішінде іздеу нәтижелеріндегі сілтемелер арқылы пайдаланушы өтуі мүмкін сайттар мен қосымшаларға бақылауды жүзеге асырмайды және жауапкершілік көтермейді. Мұндай сайттар мен қосымшаларда пайдаланушыдан басқа жеке деректер жиналуы немесе сұралуы, сондай-ақ басқа әрекеттер орын алуы мүмкін.

3. Мобильді қосымша жалпы жағдайда пайдаланушылар ұсынған жеке ақпараттың дұрыстығын тексермейді және олардың құқықтық қабілеттігіне бақылау жүргізбейді. Алайда қосымша пайдаланушының тіркеу формасында көрсетілген сұрақтарға қатысты дұрыс және жеткілікті жеке ақпаратты беретіндігіне және бұл ақпаратты өзекті күйінде ұстайтынына негізделеді.

4. Пайдаланушылардың жеке деректерін жинау және өңдеу мақсаттары

4.1. МҚ Alatau City Invest қызметтерін көрсету (пайдаланушымен келісімдер мен шарттарды орындау) үшін қажетті жеке деректерді ғана жинап, сақтайды.

4.2. МҚ пайдаланушының жеке деректерін келесі мақсаттарда пайдалана алады:

4.2.1. МҚ-да тіркелген пайдаланушыны қашықтан қызмет көрсету тәсілі арқылы сәйкестендіру үшін.

4.2.2. Пайдаланушыға жекелендірілген ресурстарға қол жеткізуін қамтамасыз ету үшін.

4.2.3. Пайдаланушымен кері байланыс орнату, соның ішінде МҚ арқылы хабарламалар, сұранымдар және ақпараттық хабарламалар жіберу, қызмет көрсету, пайдаланушыдан келетін сұраулар мен өтініштерді өңдеу, соның ішінде бағалы қағаздарды сатып алу және сату операцияларына, ақша қаражатын салу және алу операцияларына қатысты өтініштерді қарастыру үшін.

4.2.4. Пайдаланушы ұсынған жеке деректердің шынайылығы мен толықтығын растау үшін.

4.2.5. Alatau City Invest қызметтерін алу үшін тіркеулік жазба құру. Бұл жағдайда пайдаланушы МҚ-да жеке кабинет құру арқылы тіркеулік жазба құруға келісім береді.

4.2.6. МҚ-да пайдаланушы жасаған операцияларды өңдеу нәтижелері туралы пайдаланушыны хабардар ету үшін.

4.2.7. МҚ-ны пайдалану барысында туындаған мәселелер бойынша пайдаланушыға тиімді клиенттік және техникалық қолдау көрсету үшін.

4.2.8. Alatau City Invest атынан өнімдер, тарифтер, жаңалықтар тарату және басқа да ақпараттарды пайдаланушыға ұсыну үшін.

4.3. Пайдаланушының мобильді құрылғысының камерасына, медиафайлдарына (фотогалерея/видео) қол жеткізу: фотодокументтерді жасау, сурет/фото жасау және/немесе сақтау, медиа материалдарды сақтау, пайдаланушының мобильді құрылғысына сурет сақтау мақсатында.

4.4. Пайдаланушының электрондық пошта мекенжайы

4.4.1. Пайдаланушының электрондық поштасын МҚ-да көрсету және сервистік хабарламалар жіберу үшін.

4.5. Мобильді қосымшада OTP паролін автоматты түрде толтыру үшін пайдаланушының SMS-хабарламалары (SMS-хабарлама түрінде жіберілген растайтын код).

4.5.1. Растау кодын автоматты түрде енгізу үшін

5. Пайдаланушының жеке деректерін өңдеу шарттары және оны үшінші тұлғаларға беру

5.1. МҚ пайдаланушылардың жеке деректерін ішкі регламенттерге сәйкес сақтайды.

5.2. Пайдаланушының жеке деректері құпия болып сақталады, тек пайдаланушы өз деректері туралы ақпаратты шектеусіз жалпы қолданысқа беруге өз еркімен рұқсат берген жағдайларды қоспағанда.

5.3. МҚ пайдаланушының жеке деректерін үшінші тұлғаларға келесі жағдайларда бере алады:

5.3.1. пайдаланушы мұндай әрекеттерге өз келісімін берген жағдайда;

5.3.2. Қазақстан Республикасының заңнамасында белгіленген тәртіп бойынша беру көзделген жағдайда;

5.3.3. МҚ немесе үшінші тұлғалардың құқықтары мен заңды мүдделерін қорғау мақсатында, пайдаланушы МҚ сервистері пайдаланушылық келісімін бұзған жағдайда.

5.4. МҚ пайдаланушылардың дербес деректерін өңдеу барысында Қазақстан Республикасының «Дербес деректер және оларды қорғау туралы» Заңын басшылыққа алады.

6. Пайдаланушының жеке деректерін өзгертуі

6.1. Пайдаланушы өз ұсынған жеке деректерін немесе оның бір бөлігін кез келген уақытта өзгерте (жаңарта, толықтыра) алады.

7. Пайдаланушылардың жеке ақпаратына қол жеткізуді қорғауға арналған шаралар. МҚ пайдаланушының жеке ақпаратын заңсыз немесе кездейсоқ қол жеткізу, жою, өзгерту, бұғаттау, көшіру, тарату және үшінші тұлғалардың басқа да заңсыз әрекеттерінен қорғау үшін қажетті және жеткілікті ұйымдастырушылық және техникалық шараларды қабылдайды.

8. Құпиялылық саясатын өзгерту

8.1. Alatau City Invest осы Құпиялылық саясатына Компанияның интернет-ресурсында (alataucityinvest.kz) Құпиялылық саясатының жаңа редакциясын орналастыру арқылы өзгерістер енгізуге құқылы. Өзгерістер енгізілген кезде қолданыстағы редакцияда соңғы жаңартылу күні көрсетіледі. Құпиялылық саясатының жаңа редакциясы, егер жаңа редакцияда басқаша көзделмесе, орналастырылған күннен бастап күшіне енеді.