Кеше АҚШ нарықтарындағы сауда негізгі индекстердің қалыпты өсімімен аяқталды: S&P 500 0,4%-ға, ал Nasdaq 100 0,7%-ға көтерілді. Бұған жартылай өткізгіштер өндірушілері секторындағы жергілікті қалпына келу және күшті корпоративтік есептерге деген үміт ықпал етті. Алайда Конгреске сайлаудың аралық нәтижелері жариялана бастағандықтан, таңғы фьючерстер теріс динамиканы көрсетуде.
AMD үшінші тоқсанда мықты қаржылық нәтижелер көрсетті. Компанияның кірісі жылдық есеппен 45%-ға өсіп, 13,4 млрд долларға жетті, ал түзетілген бір акцияға шаққандағы пайда 2,09 долларды құрап, сарапшылар болжамынан айтарлықтай жоғары болды. Өсімнің негізгі драйвері деректер орталықтар сегменті болды: жаһандық ЖИ бумы және EPYC процессорлары мен есептеу үдеткіштеріне жоғары сұраныс аясында бұл бағыттағы кіріс 97%-ға артты.
Brent маркалы мұнай бағасы 1,1%-ға төмендеп, барреліне 103,6 долларға түсті. Бұл соңғы төрт аптадағы ең төменгі деңгей болды. Түзетудің басты себептері ретінде Катар тарапынан АҚШ пен Иранның Таяу Шығыстағы қақтығысты реттеу бойынша жаңа ұсыныстарды қарастырып жатқаны туралы хабарлар мен 10-11 қарашада Әбу-Дабиде Ресей, Украина және АҚШ қатысатын үш жақты келіссөздердің өтетіні жөніндегі ресми растау аталды.
Қазақстан Республикасының Ұлттық Банкі үшінші тоқсанда 14 тонна алтын сатып алып, әлемдік орталық банктер арасындағы ең ірі сатып алушылардың бірі ретіндегі орнын нығайтты. Бұл қадам елдің қаржылық резервтерін күшейтуге бағытталған. Сонымен қатар реттеуші халықаралық резервтердегі алтынның үлесін қазіргі 78%-дан 2026 жылдың соңына дейін 75%-ға дейін төмендетуді жоспарлап отыр. Мұны неғұрлым өтімді валюталық құралдарға инвестицияларды ұлғайту арқылы іске асыру көзделген.