«Сбербанк России» ЖАҚ акциялары бойынша дивидендтерді алу тәртібі туралы ақпарат (RU0009029540)

Құрметті клиенттер!

«Alatau City Invest» АҚ бағалы қағаздар иесінің өтініші және растайтын құжаттарды ұсыну негізінде «Сбербанк России» ЖАҚ акциялары (ISIN RU0009029540) бойынша 2025 жылға арналған дивидендтерді алу мүмкіндігі туралы хабарлайды.

Орталық депозитарийдің ақпаратына сәйкес, стандартты рәсім шеңберінде төленбеген дивидендтерді алу үшін бағалы қағаздардың иелері белгіленген тәртіпке сәйкес «Райффайзенбанк» АҚ-ға өз бетінше жүгінуі қажет.

Өтініштер мен құжаттарды қабылдау мерзімі: 2026 жылғы 20 қазаннан 2 желтоқсанға дейін (қоса алғанда).

Дивидендтерді алу тәртібі

Дивидендтерді алу үшін бағалы қағаздардың иесі келесі әрекеттерді орындауы қажет:

1. «Райффайзенбанк» АҚ-ның ресми сайтында жарияланған төлемдерді жүзеге асыру тәртібімен танысу.
2. Белгіленген нысан бойынша дивидендтерді аудару туралы өтінішті толтыру (Тәртіпке № 1 қосымша).
3. Жеке басын куәландыратын және дивидендтерді алуға құқығын растайтын құжаттарды Тәртіпке № 2 қосымшада көзделген тізбеге сәйкес дайындау.
4. Өтініш пен растайтын құжаттарды белгіленген мерзімде тікелей «Райффайзенбанк» АҚ-ға жолдау.

Құжаттарды тапсыру мекенжайы:

«Райффайзенбанк» АҚ, Депозитарлық қызмет көрсету бөлімі

119002, Ресей Федерациясы, Мәскеу қ., Смоленская-Сенная алаңы, 28-үй.

Құжаттарды жеке өзі, сенімхат негізінде әрекет ететін өкілі арқылы немесе пошта жөнелтілімімен ұсынуға болады.

Құжаттарды жолдаумен қатар олардың сканерленген көшірмелерін келесі электрондық пошта мекенжайына жіберу қажет:

[email protected]

Электрондық хаттың тақырыбында төмендегіні көрсету қажет:

«ВЫПЛАТА – Ценные бумаги RU0009029540 – ПАО Сбербанк».

Құжаттарды тек электрондық пошта арқылы жіберу «Райффайзенбанк» АҚ талаптарына сәйкес түпнұсқаларды немесе нотариат куәландырған көшірмелерді ұсынуды алмастырмайтынына назар аударамыз.

Қосымша ақпарат

Өтінішті ресімдеудің толық тәртібі, қажетті құжаттардың тізбесі және оларды қабылдау мерзімдері «Райффайзенбанк» АҚ-ның ресми сайтында жарияланған:

• Төлемдерді жүзеге асыру тәртібі және құжаттардың нысандары - https://www.raiffeisen.ru/static/custody/Payment_applications_2026_06.08.2026.pdf
• Бағалы қағаздар бойынша өтініштерді қабылдау мерзімдері - application_terms_28082026.pdf

Назар аударыңыз: өтініштерді қарауды және дивидендтерді аудару туралы шешім қабылдауды «Райффайзенбанк» АҚ жүзеге асырады. Өтініш пен құжаттарды ұсыну дивидендтердің төленуіне кепілдік бермейді. «Alatau City Invest» АҚ аталған рәсім шеңберінде өтініштерді қабылдауды және қарауды жүзеге асырмайды.

Бағалы қағаздардың иелеріне белгіленген талаптармен алдын ала танысып, қажетті құжаттарды қабылдау мерзімі аяқталғанға дейін жолдауды ұсынамыз.