Инфляция деректері қарсаңында нарық тұрақтылық сақтап отыр

📊 Америкалық қор индекстері сауда сессиясын айтарлықтай өзгеріссіз аяқтады. S&P 500 индексі іс жүзінде өзгермесе, Nasdaq 0,3%-ға төмендеді. Нарық қатысушылары АҚШ-тағы инфляция деректерінің жариялануын және корпоративтік есептілік маусымының жалғасуын күтіп, сақтық танытты.

🏦 Нарық қатысушыларының назары Федералдық резерв жүйесінің (ФРЖ) ақша-кредит саясатының алдағы бағытына да ауды. Бүгін АҚШ-тағы қыркүйек айының инфляция деректері басты назарда болады. Бұл — 27–28 қазанда өтетін ФРЖ отырысына дейін жарияланатын соңғы маңызды макроэкономикалық есеп.

💊 Johnson & Johnson компаниясының үшінші тоқсандағы түсімі 5,9%-ға өсіп, $25,4 млрд-қа жетті. Компания жылдық болжамын да жақсартты. Алайда есеп жарияланғаннан кейін акциялары шамамен 6%-ға арзандады. Бұған медициналық технологиялар бөлімшесінің сатылымы екінші тоқсан қатарынан нарық күтулерінен төмен болуы себеп болды.

⛽️ Brent маркалы мұнай 0,9%-ға арзандап, барреліне $105,7 болды, ал WTI бағасы 0,4%-ға өсіп, $94,1-ге жетті. АҚШ пен Ресей арасында дизель отыны экспортын ұлғайту жөнінде келісім жасалуы мүмкін деген үміт Сауд Арабиясы мен хуситтер арасындағы қақтығыстың өршуіне байланысты алаңдаушылықты бәсеңдетті.

🛢 Қаңтар–қыркүйек айларында Қазақстанда 69,4 млн тонна мұнай өндірілді. Бұл өткен жылдың сәйкес кезеңіндегі деңгейдің 91,7%-ын құрайды. Теңіз кен орнындағы мұнай өндіру көлемі өткен жылғы деңгейдің 88%-ына жетті. Сонымен қатар Энергетика министрлігі 2026 жылға арналған мұнай өндіру болжамын 96 млн тонна деңгейінде сақтап қалды.